ક્રિકેટ વીડિયોઝ

યુવરાજની સામે કોઈ ક્લબનો બૅટ્સમૅન હોઉં એવું લાગતું હતું : કોહલી

ભારતીય કૅપ્ટન વિરાટ કોહલીએ પાકિસ્તાન સામેની ચૅમ્પિયન્સ ટ્રોફીની પહેલી મૅચમાં પોતાના પરના દબાણને હટાવવાનું શ્રેય યુવરાજ સિંહને આપતાં કહ્યું હતું કે ‘યુવરાજ જે રીતે બૉલને ફટકારી રહ્યો હતો. મને તેની સામે એવું લાગતું હતું કે હું કોઈ ક્લબનો બૅટ્સમૅન હોઉં. હું જ્યાં સુધી ૫૦ રન સુધી નહોતો પહોંચ્યો ત્યાં સુધી સરખી રીતે બૅટિંગ નહોતો કરી શક્યો. યુવરાજના આવ્યા બાદ તેણે મારા પરનું તમામ દબાણ હટાવી દીધું. તે જે રીતે રમી રહ્યો હતો એવું તે જ રમી શકે. તેણે યૉર્કર બોલમાં પણ ચોગ્ગા ફટકાર્યા હતા. તેણે પાકિસ્તાનને સંપૂર્ણપણે દબાણમાં લાવી દીધું તેમ જ મને બીજા છેડા પર ટકવા માટે સમય આપ્યો. તેના આઉટ થયા બાદ મેં મોરચો સંભાળ્યો. તેની ઇનિંગ્સે મૅચનું પાસું પલટાવી નાખ્યું હતું

23 March, 2023 01:47 IST | Mumbai

મિતાલી રાજને સેમી ફાઇનલ મૅચની ટીમમાં શા માટે ન લીધી?

ભારતીય ક્રિકેટ ર્બોડના વહીવટદારો ભારતની સૌથી અનુભવી ખેલાડી મિતાલી રાજને ઇંગ્લૅન્ડ સામેની મહત્વની વિમેન્સ T૨૦ વર્લ્ડ કપ સેમી ફાઇનલ મૅચમાં શા માટે ડ્રૉપ કરી એ બાબતે ભારતની વિમેન્સ ક્રિકેટ-ટીમની કૅપ્ટન હરમનપ્રીત કૌર અને મિતાલી રાજને મળશે. ભારતની વિમેન્સ ટીમ ઇંગ્લૅન્ડ સામે T૨૦ વર્લ્ડ કપ સેમી ફાઇનલમાં ૮ વિકેટે હારતાં ટુર્નામેન્ટમાંથી બહાર થઈ ગઈ હતી. ભારતે ગ્રુપ-રાઉન્ડની ચારેય મૅચ જીતી હતી જેની બે મૅચમાં મિતાલી રાજે ફિફ્ટી ફટકારી હતી. ર્બોડના એક સિનિયર અધિકારીએ જણાવ્યું કે મિતાલી રાજ કદાચ લેખિતમાં વિમેન્સ ક્રિકેટના મૅનેજર (ક્રિકેટ ઑપરેશન્સ) સબા કરીમને આ બાબતે પોતાનું મંતવ્ય જણાવશે.

23 March, 2023 01:46 IST | Mumbai

ઇન્ઝિમામ-ઉલ-હક વિષે ફટકાબાજ ક્રિકેટર વિરેન્દ્ર સહેવાગે શું કહ્યું?

ફટકાબાજ ક્રિકેટર વિરેન્દ્ર સહેવાગે થોડા સમય પહેલાં અમદાવાદની મુલાકાત લીધી અને ત્યારે RJ હર્ષિલે તેમની સાથે કરી હતી ખાસ વાતચીત. આ એ સમયની વાત છે જ્યારે હજી કોરોનાએ ગુજરાતનો ભરડો નહોતો લીધો. જુઓ વીડિયો.

12 April, 2020 05:08 IST |

સચિન તેન્ડુલકરે 'મિડ ડે'ને આપ્યો હતો પહેલો વીડિયો ઈન્ટરવ્યુ

ગોડ ઓફ ક્રિકેટ સચિન તેન્ડુલકરે મેદાન પરથી ભલે નિવૃત્તિ લીધી હોય, પરંતુ મેદાન બહાર સચિનનું ફેન ફોલોઇંગ સ્હેજ પણ ઘટ્યું નથી. હાલ પણ સચિન તેન્ડુલકરને મળવા, તેમને સાંભળવા ફેન્સ પડાપડી કરે છે. ત્યારે મિડ ડે તમારા માટે લાવ્યું છે માસ્ટર બ્લાસ્ટરનો પહેલો વીડિયો ઈન્ટરવ્યુ. 1989માં ટોમ ઓલ્ટરે સચિનનો આ ઈન્ટરવ્યુ કર્યો હતો.

08 March, 2019 10:53 IST |

ડેલ સ્ટેને ખોલ્યો નાગપુર ટેસ્ટમાં ડ્રીમ સ્પેલનો રાઝ

મિડ ડે માસ્ટર ક્લાસમાં સાઉથ આફ્રિકન ક્રિકેટર ડેલ સ્ટેન પોતાના ડ્રીમ સ્પેલનો રાઝ ખોલ્યો છે. 2010માં નાગપુરમાં રમાયેલી ટેસ્ટ મેચમાં ડેલ સ્ટેને સાત વિકેટ ઝડપી હતી. મિડ ડે માસ્ટર ક્લાસમાં ડેલ સ્ટેને પોતાની આ સફળતા અંગે વાત કરી. ભારતની મુલાકાત દરમિયાન ઈન્ટરનેશનલ ક્રિકેટરે ટીમ ઈન્ડિયાના અંડર 19 ક્રિકેટર્સ સાથે કરીને ટિપ્સ આપી હતી. જુઓ વીડિયો

08 March, 2019 10:50 IST |

મિથાલી રાજઃએક એવી વ્યક્તિ જે બન્યો મહિલા ક્રિકેટનો ચહેરો

મિથાલી રાજ એક એવી ક્રિકેટર જે મહિલા ક્રિકેટની સચિન તેન્ડુલકર કહેવાય છે. મિડ ડે સાથેના એક્સક્લુઝિવ ઈન્ટરવ્યુમાં મિથાલી વાત કરે છે તેની ક્રિકેટની સફર વિશે. મહિલા ટી20 વર્લ્ડકપની સેમિફાઈનલમાં કેમ તેને ન રમાડાઈ તે અંગેનો પણ મિથાલી રાજ ખુલાસો કરી રહી છે.

21 December, 2018 03:49 IST |

ડ્રેસિંગ રૂમમાં સચિન તેન્ડુલકર સાથે મસ્તી કરતા હતા ક્રિકેટર્સ

કોઈ પણ સ્પોર્ટ્સ ટીમનો ડ્રેસિંગ રૂમ હંમેશા ખેલાડીઓ માટે સ્ટ્રેસફુલ જગ્યા હોય છે. અને અહીં જ વાતાવરણ હળવું કરવા માટે મસ્તી થતી હોય છે. ખેલાડીઓની બેસ્ટ મેમરીઝ પણ ડ્રેસિંગ રૂમમાં જ બને છે. ક્રિકેટર સચિન તેન્ડુલકરે હમણાં જ એક કાર્યક્રમમાં કેટલાક એવા ક્રિકેટર્સના નામ આપ્યા છે, જે ડ્રેસિંગ રૂમમાં ખૂબ જ મસ્તી ખોર હતા. તો સચિનની પાસેથી જ જાણો કોણ છે ઈન્ડિયાના આ તોફાની ક્રિકેટર્સ

14 December, 2018 03:07 IST |