ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા લેવામાં આવેલી ધોરણ 10ની પરિક્ષાનું પરિણામ આજે જાહેર થયું છે.
પ્રતિકાત્મક તસવીર
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા લેવામાં આવેલી ધોરણ 10ની પરિક્ષાનું પરિણામ આજે જાહેર થયું છે. બોર્ડની વેબસાઈટ www.gseb.org પર વિદ્યાર્થીઓ પોતાનું પરિણામ જોઈ શકે છે, કુલ પરિણામ 65.18 ટકા આવ્યું છે. સૌથી વધુ પરિણામ સુરતમાં 75.64 ટકા આવ્યું છે, જ્યારે સૌથી ઓછુ પરિણામ પાટણમાં 54.29 આવ્યું છે.
રાજ્યમાં કુલ 7,72,771 વિદ્યાર્થીઓઅ પરીક્ષા આપી હતી. જેમાંથી 5,03,726 પરીક્ષાર્થીઓએ આ પરિક્ષા પાસ કરી છે. જિલ્લા પ્રમાણે વાત કરીએ તો અમદાવાદ શહેરનું 63.18% અને ગ્રામ્યનું 63.98% પરિણામ આવ્યું છે. વડોદરા જિલ્લાનું 61.21 ટકા પરિણામ આવ્યું છે. જિલ્લામાં 37758 વિદ્યાર્થીઓએ પરીક્ષા આપી હતી.રાજકોટ જિલ્લાનું પરિણામ 72.86 ટકા આવ્યું છે. જિલ્લામાં સૌથી વધુ રૂપાવટી કેન્દ્રનું 94.80 ટકા પરિણામ આવ્યું છે . આ સાથે જ આ કેન્દ્ર રાજ્યમાં સૌથી વધુ પરિણામ ધરાવતું કેન્દ્ર બન્યું છે.
ADVERTISEMENT
ગૃહમંત્રી હર્ષ સંઘવીએ ધોરણ 10ની પરીક્ષામાં પાસ થયેલા તમામ વિદ્યાર્થીઓને અભિનંદન પાઠવ્યા છે. તેમણે ટ્વિટ કરતાં કહ્યું કે જીવનની તમામ કસોટીમાં ઉત્તરોત્તર પ્રગતિ કરો તેવી શુભેચ્છા
ધોરણ ૧૦ ની પરીક્ષામાં ઉત્તિર્ણ થયેલ તમામ વિઘાર્થીઓને અભિનંદન. જીવનની તમામ કસોટીમાં ઉત્તરોત્તર પ્રગતિ કરો તેવી શુભેચ્છાઓ.
— Harsh Sanghavi (@sanghaviharsh) June 6, 2022
સુરતના વિધાર્થીઓએ ધોરણ-૧૦ ના
પરીક્ષામાં શ્રેષ્ઠ પ્રદર્શન કરીને સમગ્ર રાજ્યમાં ઝળહળતું પરિણામ મેળવ્યુ તે બદલ સૌ વ્હાલા વિધાર્થી મિત્રોને અનેકાનેક અભિનંદન.
