પંદર વર્ષ બાદ રિયલિટી શોમાં કમબૅક કરી રહી છે ઊર્મિલા માતોંડકર

રેમો ડિસોઝા સાથે મળીને ‘ડીઆઇડી સુપર મૉમ્સ’ની ત્રીજી સીઝનને કરશે જજ

ઊર્મિલા માતોંડકર

ઊર્મિલા માતોંડકરને ‘ડીઆઇડી સુપર મૉમ્સ’ માટે બીજી જજ તરીકે પસંદ કરવામાં આવી છે. આ શોને રેમો ડિસોઝા પણ જજ કરવાનો છે. ઝીટીવી પર આ શોની ત્રીજી સીઝન આવી રહી છે. આ વિશે વાત કરતાં ઊર્મિલાએ કહ્યું હતું કે ‘હું પંદર વર્ષ બાદ રિયલિટી શોમાં કમબૅક કરી રહી છું. ‘ડીઆઇડી સુપર મૉમ્સ’ સાથે મારી આ જર્નીને લઈને હું ખૂબ જ ઉત્સાહી છું. આ શોનો પાર્ટ બનવા માટે હું ખૂબ ખુશ છું, કારણ કે આ શો એવી મમ્મીઓને સ્ટેજ પૂરું પાડી રહ્યો છે જેઓ તેમનું પૅશન ફૉલો કરવા માગે છે. મારા માટે આ શો વુમનહુડને સેલિબ્રેટ કરવા વિશે છે અને એથી જ એ સ્પેશ્યલ પણ છે. રેમો ડિસોઝા સાથે આ શોને જજ કરવા માટે હું આતુર છું.’